21 12
發新話題
打印

請為祖藍和演野會急切禱告!

請為祖藍和演野會急切禱告!

諸位弟兄姊妹:
又係叫救命嘅時候。八月中,我將會有一個「咪咁扮嘢演嘢會」,主​題係「我要嫁俾耶穌」,正正係我呢段時間一個大考驗。 感謝神,一路以來,工作都好順利,只係拍攝電影同劇集,我還可應​付,但係再做多一個個人演出,我實在覺得吃不消。今年英皇再搵我​搞,本來我唔想搞,但係佢哋竟然同我講:「如果今次我哋俾你傳福​音,再俾你出一隻福音碟,你點睇?」嗰一日,我成個人醒咗,因為​,我心裡面同神祈求過嘅嘢(希望有機會出福音碟、英皇容許我哋傳​福音)...都一一蒙應允,於是,我就計劃去做。但係,我知道自己今年好忙,​又唔想錯失呢個機會,我就搵咗好多外援做呢兩件事:John Loudon監製唱片、十仔及大隻基團隊(紅黑皇佈道會監製)創​作演嘢會,佢哋個個都好忙,個SHOW亦唔係多錢,但係都一口應​承,因為大家見到一個神蹟:英皇肯搞一個傳福音SHOW!!!如​果我哋可以利用呢個機會,用搞笑形式將街外觀眾拉入伊館聽下福音​、用恩賜服侍神,最享受不過!諗遠啲,就算大陸出老翻、網上勁下​載都冇所謂,佢哋可以透過睇娛樂聽福音! 年初有一個咁嘅異象,實行就有好多困難。
  
1)我忙得好緊要,呢幾個月電影、電視、錄歌、登台到處飛,要度​劇本時真係心力交瘁(我宜家重喺新加坡);   
2)宣傳問題,除咗忙,街外客覺得我講福音,教會弟兄姊妹又​唔知我想傳福音,宣傳有難度;   
3)為滿足真金白銀買飛睇娛樂嘅觀眾,我一定要有娛樂性,為傳福​音,由搞笑帶到去真正主題,需要智慧;
4)孤單,經常四處飛,一個人度橋,公司又有壓力、教會又唔完全​明白,只有幾個人在衝,實在有點孤單;   
5)迷失--我哋有一班人好相信呢個係神俾嘅機會,不過面對​太多問題時不免會迷失,會問:神呀,求祢一路引領,如果只係我自​己想做,阻止我!糾正我!

講員有講道恩賜,藝人有令人笑、令人喊​、打開人心聽福音嘅恩賜,不過,「神唔完全俾我哋知道佢嘅計劃,​係要人喺佢面前存謙卑敬畏嘅心。」究竟呢個異象最終會變成乜嘢,​我唔知道,我只知道,神總有要我學習同經歷嘅事。我唔理會公司只​係從商業角度睇呢件事,但係得榮耀嘅係神,正如舊約時候,神經常​會用外邦人去幫以色列人一樣。我承認,我喺動搖嘅邊緣,我需要你​哋嘅禱告、聖靈嘅幫助、天父同在,否則,叫人信主,自己疲勞到望​唔見主,就大件事。我嘅第一個異象,係耶穌講,佢係良人,我哋係​新婦,佢嚟娶我哋。到節目最後,我會有另類呼召,問大家:嫁唔嫁​俾耶穌?求聖靈感動觀眾,明白耶穌同我哋之間嗰種似情人嘅愛。 有一首歌,我寫咗,表面上係講人結婚,其實當中有好些歌詞,我係​想唱俾神聽,同你分享。http://www.youtube.com/watch?v​=MxQwLPTs3QE 你會叫親友入場支持,我多謝你;你為我代禱,其實更重要。 願一切榮耀歸與神!   

你的弟兄、神的僕人   
祖藍

[ 本帖最後由 星星 於 2011-8-1 21:53 編輯 ]

TOP

祖藍...無論如何...都支持你呀

TOP

祖藍,,無論如何,,神都與你同在!仲有,,我地一班fans!
雖然今年嘅暑假,,見你嘅機會少左,但見到你係工作同微博上,都開心,快樂!已經令我好開心!
新歌,電影,電視劇,演嘢會,,必定支持!
要好好珍惜而家神比你嘅機會!
記住,,很多人默默支持你!(包括我同其他fans!)
祝愛情甜蜜,事業繼續加油!!!!!!!
god bless u,cholam,,
add oil,see u later!
bananadancing :p

TOP

祖藍你要加油!! 呢度好多人都支持你...
你要知道你唔係一個人架,有主陪你,fans陪..永遠不孤單!!
加油加油加油!!

TOP

祖藍,我都會支持伱噶,
千言萬語盡在心中.
加油,

TOP

愿天上的爸爸保佑这位虔诚的孩子,愿show一切顺利!
祖蓝你也要在忙中学会偷闲..平时在微博见到你说中伏..说实话...真的不是滋味..
事业固然重要..但身体健康同样重要...见你前些日子有拉伤了...可想你身体机能已经颇疲倦..
有些大家共识的说话也不多说...愿你与你爱的每一位一切都好!
You are the best!
相信自己!相信你所相信的!
不管外界多少阻碍...你想做的...在可以办到既范围内都尽量尽力实现!
今次的show...我感觉的是...不要理会太多商业化既问题...究竟自己心想点...就顺住个个方向..只要自己反复思考...认为这个方向值得前进...就好好前进吧!
cholam~你系得既!
微小博:mycheese威寳
http://t.sina.com.cn/cheesejoe

TOP

工作多左自然少左時間休息和安靜落黎,但神比呢個機會你,
就好好珍惜和享受當中的過程吧,神與你同在啊
都係個句,爭取時間休息吧!支持你!
『疲乏的,他賜能力;軟弱的,他加力量。』(賽40:29)

TOP

祖藍:
Relax Relax~!
聽著你的新歌, 有一種很Relax的感覺, 壓力也消失了....
你的歌, 充滿愛和很甜的喔.  

加油 & Take Care~!

TOP

「我靠著那加給我力量的,凡事都能作。」(腓4:13)

或許我們會軟弱,或許我們會疲乏,或許有時我們力有不逮,不要緊,只要深信,一切爭戰,只要存謙卑忠誠的心,聽命於祂的帶領,跟著祂的腳步走,或許我們會走過高山深海,但最終,我們必會得勝。加油!   

TOP

祖蓝∼最近看到微博上有一句 “当你想要放弃的时候,想想当初为什么要走到这里?”, 希望这能给你力量,加油!!!!!

"我心裡面同神祈求過嘅嘢(希望有機會出福音碟、英皇容許我哋傳​福音)...都一一蒙應允,於是,我就計劃去做"
"大家見到一個神蹟:英皇肯搞一個傳福音SHOW!!!如​果我哋可以利用呢個機會,用搞笑形式將街外觀眾拉入伊館聽下福音​、用恩賜服侍神,最享受不過!諗遠啲,就算大陸出老翻、網上勁下​載都冇所謂,佢哋可以透過睇娛樂聽福音! 年初有一個咁嘅異象,實行就有好多困難。"

TOP

祖藍,我虔誠的祈禱,愿天主祝福你,庇佑你.我們與你同在.
只要是你想的,你要的,你求的,我們將盡最大的努力,力求達成你的心願.
還記得這一年走來,與你有過的點滴,那麼多個有紀念價值的日子...

或許是你的虔誠,所以神才讓我們相遇.
我要感謝它,感謝它陪你走過那麼多漫長的日子,感謝它陪你走過那麼多的崎嶇的道路,
如若不是它,或許就不會成就今天的你.

祖藍,加油,我們會一起陪伴在你身邊.演嘢會一定會成功的!我們和你共同見證那一個神跡!

TOP

祖蓝,一到暑假,你就是这么的辛苦这么的忙。这几天每晚我回到家,打开电脑,其实只是需要去follow更新一下你的新闻,把你的节目访问都下载剪辑再上传,并不是很复杂的事情。我们都觉得最近积攒的功课好多,处理不完,而且还是我们几个人分工合作。想一下,而这些又是你去一个个录制的,去表演的,就更加觉得你的工作量好大。昨天看《福禄寿放暑假》,一开头你们说有暑假放好开心,我听着都觉得心酸,你们三个人电影,电视剧,演唱会,节目一起上,怎么可能有假期?更何况你个人还有演嘢会要做。但是如果不是你这篇留言,我真的以为你自己顶得住,应付得来。每次给你微博留言都说你注意休息,看你在演出中的状态都还不错,不像去年看到很多一下舞台就疲惫之极的状态。

原来你如今真的面临这么强大的精神和身体的双重压力。关于演嘢会,我原本以为是你跟公司争取要在搞笑之余传福音,原来是公司拿这个作为要你开show的交换条件。可以深刻理解能传福音对你来说是多么大的吸引力。

虽然不是正式的基督徒,但是我会诚心为你祈祷,而且我相信主安排给你这个传播福音的机会,他会保佑这个show完满的进行。让更多人感受到你的虔诚,感受到主的爱护。

还有,关于宣传,我们可以在网上帮你尽一些绵薄之力。但是关于演嘢会的宣传资料并不太多,只有新闻和今日VIP的访问。如果你有什么彩排花絮等等,需要的话,不妨给我们一些,我们帮你在网上传播。

为你祷告,祝你顺利,take care!

TOP

祖蓝:唔好担心太多啦,人大佐就多嘢烦了,有工作的时候就觉得累,想休息。无工作的时候又觉得无所事事。安慰人的说话我唔识讲,我有买到你的《演嘢会2》门票,我会去现场支持你,你唔好俾太大压力自己,其实我地都系想见下你,分享一下大家的喜悦,一班人聚埋一齐的快乐!共同见证神迹!放心做吧,不要顾虑多太了,我会默默支持你!

TOP

祖藍:不如我講講我既睇法好嗎?首先我感謝主,主讓你變成今日的你,讓你一直好好的,當你覺得好累無方向的時間,主會安排一班人去支持,個D人就系你既親人,朋友,女朋友,我們fans,我知道主好愛你。之前我地未認識你未喜歡你時,基本唔知基督教是什麼一回事?認識你後,我睇到我地一班人有好多都信左加入左基督教,你知道嗎?這系內地黎講不是一件容易的事,而未去認識的,都可以從你身上認識到到底基督教的是什麼,我講甘多系想你明白,你覺得你做既野無效果嗎?甘你真系諗多左啦,系我地哩班人媄銦A好多人已經加入了,未加入的也相信有耶穌了,哩D就系你在功勞,這系你做藝人身份傳教的成果。

    講個神跡你聽,就系上次我同小骷同多多想穩香港基督教大廈,個日我地三個系條街度穩啊穩,接左好多個電話,好似依蝶同朱古力,但要明白唔系香港人就算知道附近有乜建築還是無方向,好多人打黎叫我地走啦!當時系我時走既最後一日,當三個人好努力的穩都系穩唔到,我地都決定回程了,然後行到街中心,我地突然聽到一個聲音,我知道這是我地既希望,原來街中間有幾個基督徒系度等下午2點有一個街上傳教活動,我地三個走過去問,距地真系好好,距地仲問”你地內地的點解會過黎穩地方?“我地話因為睇王祖藍未走,距地即時話,“祖藍啊!我地好欣賞距架!有才華又紅,但我地欣賞距系因為距真系好虔誠,甘紅甘忙都一有機會就努力地傳教”,距地話個地方就系上三條街,終於我地順住穩到基督教大廈,望住上邊個好多十字,我相信這就系神跡,系距引領我地穩到個地方。

    所以你既神系連一班只系迷路既人距都幫,甘多年黎主有邊次唔系睇住你幫住你,好似大吉利是講番你撞車,好多人都好擔心,唔知點解我知道你會無事,因為主耶穌距系度,距睇住你,距唔會俾自己兒子有事,依次演野會一樣,你最想做俾邊個睇?你最想令觀眾相信乜野?那就系耶穌咯!甘天父當然明白同會令一切都順利平安渡過,你俾多D信心自己同你的天父,祖藍,:我知你得架!加油啦!

[ 本帖最後由 夜深的天使 於 2011-8-2 15:10 編輯 ]

TOP

祖蓝,虽然我无去到现场支持你,但我会系佛山支持你噶,你实得噶

TOP

 21 12
發新話題